MURDER OF Sidhu Moose Wala: પંજાબી ગાયક સિદ્ધુ મૂઝવાલાની ગોળી મારી હત્યા, માન સરકારે શનિવારે જ સુરક્ષામાં ઘટાડો કર્યો હતો
પંજાબના માનસા જિલ્લામાં પંજાબી ગાયક સિદ્ધુ મૂઝવાલાને દિવસે દિવસે ગોળી મારીને હત્યા કરવામાં આવી હતી. જવાહરકે ગામ પાસે આ ગુનાને અંજામ આપવામાં આવ્યો છે. મૂઝવાલાના મોતથી પંજાબમાં ખળભળાટ મચી ગયો છે. મૂઝવાલાના બે સાથીદારો ઘાયલ થયા છે. પોલીસ આ મામલે તપાસ કરી રહી છે. પંજાબની ભગવંત માન સરકારે શનિવારે જ સિદ્ધુ મુસેવાલાની સુરક્ષા હટાવી દીધી હતી.
બે હત્યારાઓએ આ ગુનાને આપ્યો અંજામ
એવું કહેવામાં આવી રહ્યું છે કે પહેલા ગાયક પાસે લગભગ 10 બંદૂકધારી હતા પરંતુ માન સરકારે તેમની સંખ્યા ઘટાડી દીધી હતી. કાળા રંગની કારમાં સવાર બે હત્યારાઓએ આ ગુનાને અંજામ આપ્યો છે. મુસેવાલાએ આ વર્ષે કોંગ્રેસની ટિકિટ પર માનસાથી વિધાનસભા ચૂંટણી લડી હતી.
#WATCH | Punjabi singer Sidhu Moose Wala was shot by unknown people in Mansa district, Punjab. Further details awaited. pic.twitter.com/suuKT20hEj
— ANI (@ANI) May 29, 2022
મૂઝવાલાનો 63323 મતોથી પરાજય થયો હતો
મૂઝવાલાએ પંજાબના માનસાથી કોંગ્રેસની ટિકિટ પર ચૂંટણી લડી હતી. જોકે આ ચૂંટણીમાં તેમને કારમી હારનો સામનો કરવો પડ્યો હતો. આમ આદમી પાર્ટીના ડો. વિજય સિંગલાએ મૂઝવાલાને 63323 મતોથી હરાવ્યા. મૂઝવાલા 2021ની ચૂંટણી પહેલા કોંગ્રેસમાં જોડાયા હતા. આ દરમિયાન કોંગ્રેસના પૂર્વ અધ્યક્ષ નવજોત સિંહ સિદ્ધુએ તેમને યુવા આઈકોન કહ્યા હતા.
આ પણ વાંચી શકો: પેરાશૂટ વિના 33 હજાર ફૂટની ઊંચાઈએથી પડીને પણ બચી ગઈ એર હોસ્ટેસ, ગિનિસ બુકમાં નોંધાયું નામ
આ પણ વાંચી શકો: Putin’s Protective Shield : જાણો પુતિનની સુરક્ષા કવચની સંભાળ કોણ રાખે છે
SHARE
