Brazil shooting:બ્રાઝિલમાં પોલીસ કાર્યવાહી દરમિયાન ગોળીબારમાં 22 લોકોના થયા મોત
પોલીસે ઓપરેશનના ભાગરૂપે બ્રાઝિલના રિયો ડી જાનેરોમાં વિલા ક્રુજેરો સેટલમેન્ટ પર દરોડો પાડ્યો હતો. ત્યારબાદ થયેલા ભીષણ ગોળીબારમાં 22 લોકોના મોત થયા હતા. પોલીસે જણાવ્યું હતું કે આ ઓપરેશન કેટલાક ગુનેગારોને શોધી કાઢવા અને ધરપકડ કરવા માટે શરૂ કરવામાં આવ્યું હતું.
દરોડા દરમિયાન ફાયરિંગ
દરોડા દરમિયાન ફાયરિંગમાં 41 વર્ષીય મહિલા નિવાસીનું ઘટનાસ્થળે જ મોત થયું હતું. ફાયરિંગ બાદ 11 ઘાયલોને નજીકની સરકારી હોસ્પિટલમાં લઈ જવામાં આવ્યા હતા. બાદમાં, રહેવાસીઓ તેમની કારમાંથી વધુ લોકોને તે જ હોસ્પિટલમાં લઈ ગયા જેમને ગોળી વાગી હતી. તેમાંથી કેટલાકનું મૃત્યુ થઈ ચૂક્યું હતું.
બપોર સુધી હોસ્પિટલમાં 22 લોકોના મૃત્યુની પુષ્ટિ
આરોગ્ય સચિવાલયના એક અધિકારીએ જણાવ્યું કે બપોર સુધી હોસ્પિટલમાં 22 લોકોના મૃત્યુની પુષ્ટિ થઈ હતી અને સાત લોકોની સારવાર ચાલી રહી હતી. રિયોના તાજેતરના ઈતિહાસમાં આ સૌથી ઘાતક પોલીસ ઓપરેશન છે. એક વર્ષ પહેલા, જેકેરેઝિન્હો વસાહતમાં દરોડામાં 28 લોકો માર્યા ગયા હતા.
મેક્સિકોમાં ગોળીબારમાં 11ના મોત
મેક્સિકોમાં ફરી એકવાર ગોળીબારની ઘટના સામે આવી છે. સોમવારે મોડી રાત્રે અહીંના બે બારમાં ડ્રગ્સની દાણચોરી કરતા બે જૂથો વચ્ચે ગોળીબાર થયો હતો. આ ઘટનામાં આઠ મહિલાઓ સહિત 11 લોકોના મોત થયા છે. એક જ શેરીમાં બે વખત હુમલા થયા. પીડિતોમાંથી 10નું ઘટનાસ્થળે જ મોત નીપજ્યું હતું અને એકને બાદમાં હોસ્પિટલમાં મૃત જાહેર કરવામાં આવ્યો હતો. ડ્રગ્સની દાણચોરી કરતા જૂથો વચ્ચેની પરસ્પર દુશ્મનાવટને કારણે આ લડાઈ થઈ હતી.
આ પણ વાંચી શકો: પેરાશૂટ વિના 33 હજાર ફૂટની ઊંચાઈએથી પડીને પણ બચી ગઈ એર હોસ્ટેસ, ગિનિસ બુકમાં નોંધાયું નામ
આ પણ વાંચી શકો: Putin’s Protective Shield : જાણો પુતિનની સુરક્ષા કવચની સંભાળ કોણ રાખે છે
SHARE
